PASS ЦАХИМ МӨНГӨ ҮЙЛЧИЛГЭЭНИЙ ХЭРЭГЛЭГЧИЙН ГЭРЭЭ

НЭГ. НИЙТЛЭГ ҮНДЭСЛЭЛ

1.1 PASS цахим мөнгө үйлчилгээг PASS хэтэвчийн хэрэглэгч авах боломжтой буюу энэхүү "Хэрэглэгчтэй байгуулсан үйлчилгээний гэрээ"-ний нөхцөлийг танилцан баталгаажуулалт хийж зөвшөөрснөөр бүрэн бүртгэлтэй "Хэрэглэгч" болно.

1.2 Энэхүү гэрээг 18 нас хүрсэн, эрх зүйн чадамжтай этгээд байгуулна. 18 насанд хүрээгүй хэрэглэгч гэрээ байгуулах хүсэлт бол түүний хууль ёсны төлөөлөгч /эцэг эх, асран хамгаалагч/ гэрээг байгуулж, гэрээний дагуу хүлээх эрх, үүрэг, хариуцлагыг хүлээнэ.

1.3 PASS цахим мөнгө үйлчилгээнд PASS хэтэвч дээрх мэдээлэлд (овог, нэр, регистрийн дугаар, и-мэйл хаяг, гар утасны дугаар) үндэслэн төрийн үйлчилгээний ХУРДАН системээр баталгаажуулснаар бүртгэлтэй хэрэглэгч болж PASS цахим мөнгө дансаараа дараах хязгаартайгаар гүйлгээ хийх, дансны үлдэгдлээ хянах боломжтой.

1.4 Хэрэглэгчийн дансны нууцлалыг хангах нөхцөлд өөрчлөлт оруулах тохиолдолд Монголбанкнаас баталсан журамд заасан хэлбэр, хугацаанд хэрэглэгчид мэдэгдэнэ.

1.5 Гэрээнд тусгагдсан нэр томьёо:

ХОЁР. ГЭРЭЭНИЙ ҮНДСЭН НӨХЦӨЛ

2.1 PASS цахим мөнгөний дансаа удирдаж гүйлгээ хийх, данс цэнэглэх, шилжүүлэг хийх, дансны үлдэгдэл, гүйлгээний түүх болон өөрийн бүртгэлийн мэдээллээ авах;

2.2 Хэрэглэгч 100,000 (нэг зуун мянга) төгрөгөөс дээш дүнтэй гүйлгээг ПИН код эсхүл биометрик нууцлал, түүнтэй адилтгах бусад арга хэрэгслээр баталгаажуулах;

2.3 PASS цахим мөнгө үйлчилгээний шимтгэл

2.4 PASS цахим мөнгө нь нэг төгрөгтэй тэнцүү байна;

2.5 PASS цахим мөнгөнд хүү тооцохгүй;

2.6 Хэрэглэгчийн эрх:

• Мөнгөн хөрөнгийг цахим дансанд хөрвүүлэх
• Цахим данс дахь мөнгийг мөнгөн хөрөнгөнд хөрвүүлэх
• Цахим дансны шилжүүлэг хийх
• Цахим дансны мөнгөөр төлбөр тооцоо гүйцэтгэх
• Цахим дансны үлдэгдэл шалгах
• Гүйлгээний хуулга авах
• Үйлчилгээний эрхээ түр хаалгах, сэргээлгэх, цуцлах
• Хувийн мэдээллээ хуулийн дагуу хамгаалуулах
• 70704040 дуудлагын төвд гомдол, маргаан гаргах

2.7 Хэрэглэгчийн үүрэг:

• Хувийн мэдээллээ үнэн зөв, бүрэн өгөх
• ХУРДАН системээр баталгаажуулан гэрээ байгуулах
• Зөвшөөрөлгүй гүйлгээг нэн даруй мэдэгдэх
• Дансны нууцлал болон аюулгүй байдлыг хангах
• Төхөөрөмж алдсан, ПИН код алдсан тохиолдолд 70704040 дугаарт нэн даруй мэдэгдэх
• Гүйлгээ хийхдээ дансны дугаар, мөнгөн дүнг зөв оруулж баталгаажуулах

ГУРАВ. ГОМДОЛ, МАРГААН ШИЙДВЭРЛЭХ

3.1 Хэрэглэгчтэй гэрээ байгуулахаас өмнө "Мөнгө угаах болон терроризмыг санхүүжүүлэхтэй тэмцэх тухай хууль"-д заасны дагуу түүнийг таньж мэдэх үйл ажиллагааг гүйцэтгэнэ.

3.2 Цахим мөнгө гаргагч нь хэрэглэгчийн гомдол маргааныг шийдвэрлэхдээ Үндэсний төлбөрийн системийн тухай хууль, Хэрэглэгч, мерчанттай үүссэн гомдол, маргааныг шийдвэрлэх журам, энэхүү гэрээг мөрдөнө.

3.3 Маргаантай гүйлгээ гэж дараах тохиолдлыг үзнэ:

• Гүйлгээ амжилтгүй боловч данснаас мөнгөн дүн хасагдсан
• Гүйлгээ амжилттай боловч данснаас мөнгөн дүн хасагдаагүй
• Гүйлгээний мөнгөн дүн давхар хасагдсан

ДӨРӨВ. БУСАД

4.1 Гэнэтийн буюу давагдашгүй хүчин зүйлүүдийн улмаас талууд гэрээгээр хүлээсэн үүргээ биелүүлээгүй буюу зохих ёсоор биелүүлээгүй тохиолдолд хариуцлага хүлээхгүй.

4.2 Энэхүү гэрээгээр зохицуулаагүй бусад харилцааг Монгол Улсын Иргэний хууль болон холбогдох хууль тогтоомжоор зохицуулна.

4.3 Гэрээг хэрэгжүүлэх явцад олж мэдсэн нууцад хамаарах мэдээллийг хуульд зааснаас бусад тохиолдолд бусдад задруулах, өөр зорилгоор ашиглахыг хориглоно.

4.4 Хэрэглэгч гэрээ байгуулснаар Дата бэйнк ХХК-д дараах зөвшөөрлийг өгч байгаа болно:

• Хэрэглэгчийн мэдээлэл ашиглан үйлчилгээ үзүүлэх
• Зах зээлийн судалгаа шинжилгээ хийх
• Үйлчилгээний мэдээ, мэдээлэл хүргэх
• Хууль болон гэрээнд заасан үүргийг хангуулах зорилгоор гуравдагч этгээдэд мэдээллийг өгөх

Холбоо барих